Бұл туралы Caravan.kz медиа-порталы Tengrinews.kz-қа сілтеме жасап хабарлайды.
Ирина енді бұл баспананың жалдау ақысын төлеуі керек. Өйткені келісімшарт бойынша ол мәміле кепілі.
Жалдау шарты ер адам мен "Қазақстандық тұрғын үй компаниясы" арасында жасалған. Құжатта пәтердің "Нұрлы жер" мемлекеттік бағдарламасы бойынша "Мүгедек баласы бар отбасы" санаты бойынша берілгені анық жазылған. Ирина Заварзина тек кепілгер, бірақ ол қайтадан тұрғын үй кезегіне тұру құқығынан айырылған.
"Пәтер алған соң, оларды кезектен шығардық, тұрғын үймен қамтамасыз етілді және өз мүмкіндіктерін пайдаланды. Егер жұбайын мәміледен шығарғысы келсе, олар Қазақстандық ипотекалық компанияға жүгінуі тиіс", — дейді Орал қалалық ТКШ бөлімінің тұрғын үй және жекешелендіру секторының меңгерушісі Ерлан Шайхиев.
Қазір ер адам пәтер ақысын төлеуді тоқтатқан, яғни кепіл беруші қарызды төлеуге міндетті. Ирина Заварзина түрлі құзырлы орындар табалдырығын тоздырып, күресуден шаршағанын, оның үстіне, жақында қызы қайтыс болғанын айтады. Екі жыл ішінде "Қазақстандық тұрғын үй компаниясына" бірнеше рет жүгінген, бірақ олар телеарна өтінішінен кейін ғана тексере бастаған. Ресми жауапта олардың отбасы мен көршілерінен ешқандай шағым түспегені көрсетілген.
"Қазақстан тұрғын үй компаниясы" АҚ жеке өмір құқығын құрметтейді және жалға алушыларының неке-отбасылық қатынастарына араласпайды. 2022 жылдың 18 қаңтарында жүргізілген тексеруге сәйкес, пәтерде санитарлық нормалардың бұзылуы анықталған жоқ", — делінген жауапта.
Тәуелсіз заңгерлер сот КЖК мен ер адам арасындағы келісімшартты жарамсыз деп тану керек еді деп есептейді. Өйткені ажырасқан ер адам өзіне тиесіліден көп алып қалған.
