СІМ-нің ақпаратына сәйкес, бұл қарардың тең авторлары қатарына барлығы 79 мемлекет, оның ішінде АҚШ, Франция, Германия, Италия, Австрия, Бельгия, Үндістан, Бразилия, Мысыр, Иран, Малайзия, Индонезия, ТМД елдері кіріп отыр.
«Бұл резолюцияның қабылдануы республика үкіметі мен Қазақстан халқының ядролық сынақтардың адамдардың, әсіресе балалар мен басқа да әлеуметтік аз қорғалған топтардың өмірі мен денсаулығына, Семей өңіріндегі табиғи ортаға ұзақ мерзім бойына нұқсан келтіру қаупіне деген алаңдаушылығы халықаралық қоғамдастық тарапынан мойындалуының нышан белгісі болмақ»,- делінген СІМ-нің хабарламасында.
Құжатта БҰҰ-ның бас ассамблеясы Семей өңірі тұрғындарының денсаулығына қатысты проблемалар мен радиологиялық, әлеуметтік-экономикалық және экологиялық проблемаларды азайту үшін қазіргі заманғы технологиялар беру қажеттігі айтылған. Құжат халықаралық қоғамдастықты Қазақстанға Семей өңірінің экономикалық өсімі мен тұрақты дамуын қамтамасыз етуге жағдай жасау, арнаулы емдеу бағдарламалары мен жобаларын жасап жүзеге асыруға қолдау көрсетуге шақырды.
«Сынақтардан зардап шеккен аймақтың әлеуметтік-экономикалық дамуына септігін тигізу маңызды бір құрамдас бөлігі болып табылатын БҰҰ-ға мүше елдер қабылдаған бұл резолюция Қазақстан үшін айрықша маңызды. Ол елімізге бұрынғы Семей полигонындағы ядролық сынақтардың зардаптарын еңсеруде халықаралық қоғамдастықпен одан әрі ықпалдастықты жалғастыруға ауқымды мүмкіндіктер береді»,- делінген министрлік хабарламасында.
- $ 464.86
- € 544.03
Алматы
- РУС
- ҚАЗ
2026 Жыл
26 Сәуiр
