«Мен шағым жазып, оны халықаралық адам құқықтары жөніндегі бюроға бердім. Ондағылар хатты бірер күнде жөнелтуі тиіс», — деді С.Сәрсенов бейсенбі күні «Интерфакс-Қазақстан» агенттігі тілшісіне.
В.Челахтың бұл қылмысқа қатысы жоқ деп есептейтін С.Сәрсенов үкімнің күшін жоюды талап етіп келеді. Алайда Жоғарғы соттың апелляциялық, кассациялық және қадағалау алқалары үкімді өзгеріссіз қалдырды. Сонымен қатар, В.Челахтың өзі президенттен рақымшылық жасауды өтінген болатын. Рақымшылық жөніндегі комиссия одан бас тартты.