Жарияланды: 20

Демалыс күндері ауа райы қандай болады?

Демалыс күндері ауа райы қандай болады?

 

Синоптиктер 18-20 мамыр күндері ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

Синоптиктердің мәліметінше, демалыс күндері еліміздің басым бөлігінде жауын-шашын жауады. "Көпжылдық климаттық мәліметтер бойынша, 17-20 мамыр аралығында Қазақстанға Солтүстік Оралдан суық және ылғал ауа массаларының келуі жиі байқалады. Алдағы демалыс күндері Оралдан келетін суық атмосфералық фронттармен республиканың басым бөлігінде жаңбыр және температураның кезекті төмендеуі күтіледі. Сенбіде оңтүстікте, жексенбідн оңтүстік-шығыста, дүйсенбіде солтүстік және орталықта қатты жаңбыр болуы ықтимал. Ал батыс өңірлерге Ресейдің Еуропалық бөлігінен біртіндеп антициклон жылжиды, сондықтан мұнда жауын-шашын тоқтап, ауа температурасы төмендейді", - дейді "Қазгидромет" өкілдері. Мұның алдында синоптиктер бүгін еліміздің бірнеше өңірінде тұман түсіп, жел күшейетінін ескерткен еді.
 

Пікір қалдырыңыз

Пікір қалдыру тіркелген пайдаланушылар ғана мүмкін