Жарияланды: 70

Дмитрий Медведев: Ресейді ТМД-дағы достарымен араздастыру мүмкін емес

Дмитрий Медведев: Ресейді ТМД-дағы достарымен араздастыру мүмкін емес Сурет - Риа Новости

Ресей Қауіпсіздік кеңесі төрағасының орынбасары Дмитрий Медведев "дұшпан елдер Ресейді ТМД-дағы достарымен араздастыра алмайтынын" мәлімдеді, - деп хабарлайды Tengrinews.kz тілшісі.

"Медведев "РИА Новостиге" "ВКонтакте" парақшасы бұзылғанын және онда пайда болған геосаясат пен КСРО туралы жазбаға қатысты пікір білдірді. Бұл - ақпараттық соғыстың көрінісі, бірақ Ресейді ТМД-дағы достарымен араздастыру мүмкін емес, кінәлілер жазасыз қалмайды. Оның айтуынша, ҰҚШҰ, ЕАС және ШЫҰ бойынша одақтастармен араздастыруға мүдделі жау елдер жеткілікті, бірақ оларға мұндай мүмкіндік бермейміз", - делінген агенттіктің Telegram-арнадағы хабарламасында.

Бұған дейін Желіде скриншоттар пайда болған еді. Онда "ВКонтакте" желісіндегі Дмитрий Медведевтің парақшасындағы пост түсірілген.

Медведевтің парақшасынан түсірілген скриншоттарда "Қазақстан жасанды мемлекеттік құрылым" екені, ал Грузия 19 ғасырдың басында Ресей жаулап алғанға дейін болмағаны айтылған.

Пікір қалдырыңыз

Пікір қалдыру тіркелген пайдаланушылар ғана мүмкін