"Дөнерге ақша талап еткен": Ақтөбеде мектеп оқушысы әлімжеттік құрбаны болды - kaz.caravan.kz
  • $ 443.03
  • 480.38
+18 °C
Алматы
2024 Жыл
24 Мамыр
  • A
  • A
  • A
  • A
  • A
  • A
"Дөнерге ақша талап еткен": Ақтөбеде мектеп оқушысы әлімжеттік құрбаны болды

"Дөнерге ақша талап еткен": Ақтөбеде мектеп оқушысы әлімжеттік құрбаны болды

Мектеп оқушысы жатақханада көз жұмған.

  • 18 Сәуiр
  • 101
Фото - Caravan.kz

Мектеп оқушысы жатақханада көз жұмған.

Ақтөбе қаласындағы жағаұстарлық жағдай туралы спорт журналисі Аслан Каженов Instagram желісіндегі парақшасында жазды, деп хабарлайды Caravan.kz медиа порталы.

«Ақтөбеден жаға ұстатарлық хабар жетті. Есет батыр атындағы облыстық олимпиадалық резерв мектеп-интернатының 8-ші сынып оқушысы Бексұлтан Әбубәкір әлімжеттік құрбаны болды. 14 жастағы өренді жоғарғы сынып оқушылары жұдырықтың астына алған. Ауыр соққы жүрегіне тиіп, салдарынан тамыры жарылып кетті. Өкініштісі сол, бала жатақханада көз жұмған. Яғни, жедел жәрдем келгенше жүріп кетті.

Жағда былай болды. “Кешкі 18:00-ден кейін жатақханадағы барлық қызметкер жұмысынан кеткен. Оқушылар осы уақытта өз шаруасына кіріскен. Жоғарғы сыныптың оқушылары, 10-сынып, 9-сынып, колледждің балалары бәрі жиналып, 10 баланы бөлмеге кіргізіп алып, әлімжеттік көрсетті. Сондағысы — дөнерге ақша талап еткен. Бұлар бермеген. Сол жерде соққыға жыққан”, — дейді Бексұлтанның әкесі Қайрат Қайназаров. Тағы бір айта кетерлігі, Бексұлтанмен бірге бауыры Ерсұлтан да таяқ жеген. Егіздің сыңары дәл көз алдында құлады.

Масқара жағдай. Бұл қайғыға мектеп қызметкерлерінен бастап, облыстық спорт басқармасы, тіпті, облыстық әкімдік те жауапты. Қазанның бетін жылы жаба салуға болмайды. Қатаң тексеріс керек! Резонанс жасау керек! Ешкім жауаптан жалтармасын! Өзім де интернатта оқыдым. Сондықтан, ішкі жүйені білемін. Қынжылтатыны — содан бері ештеңе өзгермеген. Баяғы жартас, сол жартас. Салдарынан қараптан-қарап балалар өліп кетіп жатыр. Біз мына түрімізбен жақын болашақта адам болмаймыз…», — деп жазды ол.

Желі қолданушылары да марқұмның отбасына көңіл айтуда.

«Қазақ қазақты донер үшін өлтіретін хәлге жеттік … Өте өкінішті….», «Тәрбиені өзгерту керек. Әйтпесе сол бір-бірін өлтіретін сорлы халық боламыз», «Адам өліп отыр , біреудің аялап отырған баласы , көзінің ағы мен қарасы ғой», «Отбасына кайғырып көңіл айтамыз, бәріненде сыңарына(егізіне) обал болды», — деп жазды олар.

Inbusiness.kz-тің жазуы бойынша Ақтөбе облыстық полиция департаменті ҚР ҚК «Абайсызда жас баланың өліміне әкеп соққан, балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау» бабы бойынша сотқа дейінгі тергеп-тексеру жүргізуде. Барлық қажетті сараптамалар тағайындалды.

Соңғы жаңалықтар