Бұл туралы ол "Qasqa Jol" Youtube арнасына берген сұхбатында айтып берді, — деп хабарлайды Caravan.kz медиа порталы.
Сұхбат барысында ол білімсіз молдалар туралы, саясат жайында және тоқал алу туралы ойын айтты.
"Ондай ойдан адамыз, ондай ой туған да емес. Ол мүмкін емес. Мен бұның барлығына дұрыс қарамаймын. Бүгінгі адамның қалыптасуы, бүгінгі адамның сана-сезімін ол кезеңмен салыстыруға болмайды. Ол кезең жесірін қаңғытпаған, жетімін жылатпаған кезең. Осындай кезеңде туындаған дүниелер бәлкім өте құнды. Ал бүгінгі заманда бұл нені білдіреді? Бұл — рухани азғындау. Мен одан басқа айтарым жоқ. Бұны әркім өзінше дәлелдегісі келгендер де бар. Бәлкім өзі жүрген ортада дәлелдеп те үлгерген болар. Өкінішке орай, алма дейтін заң жоқ. Сондықтан бұның барлығы болып жатқан оқиға. Бұның қайда алып соқтыратынын бір Алла біледі. Сондықтан мұның бәрін уақыт көрсетеді", — деді Досхан Жолжақсынов.
Айта кетейік, Досхан Жолжақсынов жақында ғана 70 жас мерейтойын дүркіретіп өткізген болатын
