Жарияланды: 30

"Екеумізде де жеңіс кілті бар" - Головкин Канеломен үшінші жекпе-жек туралы

"Екеумізде де жеңіс кілті бар" - Головкин Канеломен үшінші жекпе-жек туралы

IBF және IBO нұсқалары бойынша орта салмақтағы қазақстандық чемпион Геннадий Головкин мексикалық Сауль "Канело" Альваресті жеңудің кілті бар екенін айтты.

Бұл туралы Caravan.kz медиа порталы Tengrinews.kz-қа сілтеме жасап хабарлайды.

"Әрине, менің құпиям бар ("Канелоны" жеңу бойынша). Бірақ бұл сіздер айтып отырған құпия емес. Бұл сіздер көрсететін құпия. Біздің үшінші жекпе-жегіміз үшін жақсы жарнамалық науқан өткізілуі керек, ұйымдастырушылар оны жасауы тиіс, Канелоның да мен туралы құпиялары бар екеніне сенімдімін", - деді Головкин The Sun басылымына берген сұхбатында.

"Екеумізде де жеңістің кілті бар және олардың құлыпқа келу-келмеуін білудің жалғыз жолы - жекпе-жекті ұйымдастыру. Бұл жекпе-жекті дұрыс сату керек, ол үлкен қызығушылық тудыруы тиіс. Шынын айтайық, біздің екі рет кездескенімізге қарамастан, бұл ең көп талқыланған жекпе-жектердің бірі", - деді GGG.

Еске салайық, Головкин мен Альварес екі жекпе-жек өткізді: біріншісі 2017 жылдың қыркүйегінде тең нәтижемен аяқталды, бір жылдан кейін мексикалық боксшы жеңіске жетті.

Айта кетейік, GGG 29 желтоқсанда Жапонияда орта салмақтағы WBA (Super) титулының иегері Риота Муратаға қарсы жекпе-жекке шығады. 

Пікір қалдырыңыз

Пікір қалдыру тіркелген пайдаланушылар ғана мүмкін