Екібастұзда жай түсу салдарынан бір жасөспірім мерт болып, тағы бірі жарақаттанды

13 және 16-жасар екі ұл Екібастұздан 10 шақырым жерге балық аулауға барған жерінен жайдың оғына душар болған. 13 жасар ұл найзағай түскен жерде мерт болса, оның ересек серігін нажағай толқыны біраз жерге лақтырып жіберген. Иығы мен басынан жарақаттанған бала Екібастұз қалалық ауруханасына жатқызылды. Аурухананың реанимация бөлімінен хабарлауынша, балаға тиісті медициналық көмек көрсетіліп, емдеу шаралары жасалуда. Ал өткен жылы Павлодар облыстық ауылдарының бірінде жай түсу салдарынан кішкентай қыз қаза тапқан болатын.