Жарияланды: 20

Елімізде киік төлі санағына волонтерлер іздеп жатыр

Елімізде киік төлі санағына волонтерлер іздеп жатыр

Қазақстанның биологиялық алуантүрлілікті сақтау қауымдастығы киік төлдерінің ғылыми мәліметтерін жинауға ерікті түрде көмек көрсете алатын волонтерлерді іздестіріп жатыр.

Бұл туралы Caravan.kz медиа порталы ҚазАқпарат-қа сілтеме жасап хабарлайды.

Аталған қауымдастықтың мәліметінше , мамырдың 4-19 күндері Қостанай мен Ақтөбе облыстарында киіктің Бетпақдала популяциясының, ал мамырдың 5-21 күндері Батыс Қазақстан облысында Орал популяциясының төлдеріне санақ жүргізу үшін үш-үштен 6 волонтерлер керек. Волентерлер өңірлерге Нұр-Сұлтан қаласынан шығады.

Волентерлердің негізгі міндеттеріне трансекталарда киіктің жаңа туған төлдерін іздеу, салмағын өлшеу, мәліметтерді жазып алу және қауымдастық мамандарына қажетті өзге де көмек түрлерін көрсету кіреді. Далалық лагердені жұмыс уақыты таңертеңгі 7-00-де басталып, кешкі 17-00-ге дейін жалғасады және күніне 15 шақырымнан астам жол жүреді.

Қауымдастық волонтерлерді елордадан далалық лагерьлерге дейін көлікпен жеткізеді және жолда қонақ үй, тамақтану шығындарын көтеріп, төсенішпен, ұйықтауға арналған матраспен қамтамасыз етеді.

Волонтер болғысы келген азаматтар мына сілтемеге өтіп, өтініш толтырулары қаже. Лайықты кандидатты таңдағаннан кейін қауымдастық мамандары өздері хабарласатын болады.

Пікір қалдырыңыз

Пікір қалдыру тіркелген пайдаланушылар ғана мүмкін