Жарияланды: 750

Елімізде тұңғыш рет ҚР Қылмыстық Кодексінің заңды кәсіпкерлік іс-әрекетке кедергі келтіру деген бабы бойынша айыптау үкімі шығарылды- Қаржы полициясы агенттігі

Елімізде биыл тұңғыш рет ҚР Қылмыстық Кодексінің заңды кәсіпкерлік іс-әрекетке кедергі келтіру жөніндегі 189- бабы бойынша айыптау үкімі шығарылды. Бұл туралы KZ-today тілшісіне сарапшылық кеңестің шағын және орта бизнеспен ықпалдастық жөніндегі кеңейтілген мәжілісінің қорытындысы бойынша ҚР Қаржы полициясы агенттігінен хабарлады.

ҚР Қаржы полициясы агенттігінің мәліметіне сәйкес, қаржы полициясының қызметкерлері тарапынан кәсіпкерлер құқығын бұзғаны үшін Астана қалалық қаржы полициясы департаментінің қызметкерлері М.Тұяқов пен Т.Ысқақов қылмыстық жауапкершілікке тартылды. 2003-жылдың басынан бері осы салада 42 қылмыс тіркелді. Ал жалпы 2002-жыл бойына осындай 36 қылмыс әшкереленді, бұл бұған дейінгі бірнеше жыл ішінде беті ашылған жалпы қылмыстар санымен тең. Сондай-ақ, ҚР Қаржы полициясы агенттігінен хабарлағанындай, 2002-жылы қаржы полициясы мекемелері басқаның тауарлық белгісін заңсыз пайдалану дерегі бойынша 28 қылмыстық іс қозғады. Ал өткен жылдарда мұндай қылмыстар мүлдем дерлік ашылмайтын. 2003-жылы әшкереленген осындай қылмыстар саны 3 есе артты. Заңсыз кәсіпкерлікпен айналысу дерегі бойынша сотқа жіберілген қылмыстық істер саны 2 есе, экономикалық контрабанда дерегі бойынша сотқа жолданған қылмыстық істер саны 10 процентке артты. Сарапшылық кеңес қаржы полициясы мекемелерінің шағын және орта бизнеспен ықпалдастыққа бағытталған іс-қызметін үйлестіру және оның тиімділігін арттыруды көздейді.

Пікір қалдырыңыз

Пікір қалдыру тіркелген пайдаланушылар ғана мүмкін