Елімізде жаңа ішкі істер министрі тағайындалды

Республика президенті Нұрсұлтан Назарбаевтың жарлығымен ҚР ішкі істер министрі болып Зауытбек Тұрысбеков тағайындалды. Бұл туралы KZ-today тілшісіне үкімет басшысының баспасөз қызметінен хабарлады.

З.Тұрысбеков 1951-жылдың желтоқсан айында Оңтүстік Қазақстан облысында туған. Ол Қазақ химия-технология институтын бітірді. Еңбек жолын оқытушылық жұмыстан бастады. Соңғы жылдарда ҚР көші-қон және демография жөніндегі Агенттігін басқарды, ҚР президентінің әкімшілігі төрағасының орынбасары қызметін атқарды. 2000-жылдың тамыз айынан бері ҚР мемлекеттік қызмет істері жөніндегі Агенттіктің төрағасы болды. Бұған дейін ҚР ішкі істер министрі болған Қайырбек Сүлейменов басқа жұмысқа ауысуына байланысты қызметтен босатылды.

Әріптестер жаңалығы

Пікір қалдырыңыз