Жарияланды: 17900

"Ерлер ұсақталып төсекші-өсекші болып бара жатқандай" - "Өнер қырандары" театрының белді мүшесі

"Ерлер ұсақталып төсекші-өсекші болып бара жатқандай" - "Өнер қырандары" театрының белді мүшесі

"Өнер қырандары" театры директорының жұбайы ерлерге қатысты пікір білдірді. 

Бұл туралы Caravan.kz медиа порталы хабарлайды. 

"Өнер қырандары" театры директоры "Өнер қырандары" театры директоры Мадияр Серікбаевтың жұбайы Дана Тұрарбек өсек айтуда ерлер де ғаламтордың кері әсерінен әңгімеге құмарланып кеткен дейді. 

"Неге адам ғайбатты әйбәт көреді?

Байқағаным бұрындары өсек деген сөз әйелдерге ғана қатысты боп көрінсе,қазір ғаламтордың кесірінен ерлерде ұсақталып төсекші-өсекші болып бара жатқандай.
Бірақ әңгіме мұнда емес.

Неге адам көпшілікте біреуді талқыға салғанды ұнатады?
Өйткені солай ол өзіне көңіл аудартқысы келеді екен.Біреуді төмендету арқылы өзін жоғарлату,өз-өзіне сенімсіз,махаббатқа зәру адамдарда болады.Отырған ортасында іштей өзін қабылдатқысы келетін,ұнағысы келіп тұрған адам,санасыз түрде өзгенің етін жеп,сүйегін мүжи бастайды.
Бірақ бұл әдістен еш ұтпайды,өкініштісі өсекші атанғаны емес,сорақысы өсекші жәннатқа кірмейді.

Сен де мен де пенде демекші кемшіліксіз ешкім жоқ және барлық адамға бірдей ұнау мүмкін емес.Бірақ өзіңнің арыңның алдында,АЛЛА Тағаланың алдында адал бола білу керек.Бізді анамыз кішкентайымыздан өсек айтпауға,жамандамауға,беталды сене бермеуге үйретті.Анау сондай екенғой десең,қай мұғалімің айтты,көрінгенге неге сене бересің,қайдан білесің қосып айтып отырған шығар деп,салқынқандылыққа үйретті.Осыдан сөз тасығаныңды естиін аузыңды күйдіріп,тіліңді кесіп аламын дейтін.Қорыққаннан аузымызды ашпайтын едік.Құрбы-құрдастарының сөзге жақындауы үйге келсе,құлағыңды түрмей бар ана жаққа деп қуып жіберетін.Баланы жастан демекші мұның бәрі тәрбие.Кішкенесінен тілін тия білген есейгенде ессіз жағын ашпайды.

Айтайын дегенім, өсек айту қасырет,не бұл өмірде,не ана өмірде пайда бермейді.Сол үшін де дінімізде сөйлесең жақсы сөз сөйле немесе үндеме деп әдемі қайырған", деп жазды желідегі парақшасында. 

Пікір қалдырыңыз

Пікір қалдыру тіркелген пайдаланушылар ғана мүмкін