Француз полицейлері бір тоннадан астам кокаин тәркіледі

Француз полицейлері 1 тоннадан астам кокаин тәркіледі. Есірткі Кариб теңізіндегі Әулие Мартин аралының оңтүстік-шығысында желкенді кемеге жасырылыпты, деп хабарлайды Франция үкіметі.

Операцияға Испания мен Германияның құқық қорғау орындары қызметкерлері қатысты.

Тәркіленген есірткінің қара базардағы құны 45 млн еуродан асып жығылады.
Moon Shadow кемесі шілденің екісіне қараған түні тұтқындалған болатын. Есірткі кеме арқылы Еуропа асуы тиіс болған, делінген хабарламада.