Бұл туралы Caravan.kz медиа-порталы Adyrna.kz-қа сілтеме жасап хабарлайды.
Қасым-Жомарт ТОҚАЕВ бұған дейін қабылданған Минск келісімдері қағаз жүзінде қалып, Украина аумағында әскери операцияларға алып келгенін айтты.
— Геосаяси жағдай бұрын-соңды болмаған жағдайда ушығып кетті, енді өкінішке орай, бұл үрдістің қайтымсыздығы туралы айтудың уақыты келді. Сондықтан біз екі мемлекетті келіссөз үстелінде ортақ тіл табуға, келісім мен бітімгершілікке келуге шақырамыз. Басқа амал жоқ. Жақсы жанжалдан, тақыр татулық артық. Бейбітшілік болмаса, даму да болмайды. Қазақстан өз тарапынан, әрине, қажет болса, делдалдық қызметтерді қоса алғанда, барлық көмек көрсетуге дайын, деді Мемлекет басшысы.
Президент Қауіпсіздік Кеңесінде бірқатар жұмыс кездесулерін өткізіп, санкциялық қарама-қайшылықтың бұрын-соңды болмаған шиеленісуі жағдайында Қазақстанның тұрақты әлеуметтік-экономикалық дамуын қамтамасыз ету бойынша үкіметтің алдына нақты міндеттер қойды.
Дағдарыс жағдайында үздіксіз жұмыс істеуін қамтамасыз ету үшін экономикамыз санкциялық сын-қатерлерге қарсы тұруға дайын болуы керек, деді Қасым-Жомарт ТОҚАЕВ.