Жарияланды: 460

Ғалымдар бала тәрбиесінде ананың сарқылмас төзімі қайдан келетінін анықтауға тырысты

Ғалымдар бала тәрбиесінде ананың сарқылмас төзімі қайдан келетінін анықтауға тырысты

Балаларының өсіп, жетілуі үшін ана қолынан келгеннің бәрін жасауға әзір.

Аризона (The University of Arizona) университетінің зерттеушілері әйел адамға тән осы шыдамдылық пен балаға деген махаббаттың құдіретті күші қайдан келетінін іздеп көрді. Тәжірибелік зерттеуге орта және жоғары білімі бар 2000-нан астам ана қатысты, деп жазады «Prothom Alo». 

Олардан ең бастысы ана міндетін атқару үшін, шаршамай, талмай қызмет ететін күш-жігер қайдан даритыны сұралды. Зерттеу қорытындысында сауалнамаға жауап берген әйелдердің негізгі ойлары іріктеліп, қорытынды жасау үшін басты назарға алынды. 
«Мұнда жеті фактордың төртеуіне басымдық берілді: анасының балаға қатысты не нәрсені болсын шын жүрегімен қабылдауы, сабыр, қарым-қатынаста шынайы болуы, дос тұта білуі болды. Осы қасиеттің арқасында аналар өмірдің күрделі кезеңінде сабырлылық сақтай білген», делінген мәлімдемеде.
Зерттеу авторлары, сондай-ақ бала тәрбиесінде ерлі-зайыптылар арасындағы өзара қатынасты маңызды деп есептейді. Алайда, ғалымдар ол әйелдің балаға деген махаббатын айқындаушы фактор емес дейді. Дегенмен, сұралған әйелдердің дені қолдау мен түсіністікпен қарауға мұқтаж болғанын жеткізген.

Пікір қалдырыңыз

Пікір қалдыру тіркелген пайдаланушылар ғана мүмкін