Гонконгте паром апатқа ұшырап, 100-ден астам адам жапа шекті

Қытайда паромның су астындағы объектімен соқтығысуы салдарынан кем дегенде 124 адам жапа шекті. Макаодан Гонконгке аттанған паром 163 жолаушыны тасымалдаған. Оның бортында сонымен қатар, 11 экипаж мүшесі болған. Оқиға орнына қайықтар жіберілді. Ал Гонконг пирсіне жедел жәрдем көліктері келіп, жапа шеккендерді ауруханаға алып кетті. Жергілікті БАҚ ақпаратынша, бес адамның жағдайы ауыр.