Ішкі істер министрінің орынбасары Игорь Лепеха 26 қарашада Астанада өткен заңсыз митингке қатысты пікір білдірді, — деп хабарлайды Caravan.kz медиа порталы Tengrinews.kz-ке сілтеме жасап.
"Олар 15 тәулікке қамауға алынды. Бұл "Жарадағы" іс-шарада барлығы 300-ге жуық адам болды (Қорғалжын тас жолындағы Zhara мекемесі — еск.). Бір жарым сағаттан кейін Ақордаға қарай жүруге шақырған. Олар сыртқа шықты, іс жүзінде митингтің барлық белгісі бар, өйткені рупор, үндеу, шақырулар болды. Олар Ақордаға қарай бет алды. Біз оларды тоқтатуға, жолын кесуге мәжбүр болдық, ұйымдастырушы ұсталды. Ол 15 тәулікке әкімшілік қамауға алынды", — деді Лепеха мәжіліс кулуарында журналистер сұрағына жауап беріп.
Оның айтуынша, митингке қатысушыларға қатысты қылмыстық іс қозғалмаған, тек әкімшілік қамауға алынған.
"Біз олардың талаптарын күткен жоқпыз, өйткені заңсыз митинг өз алдына әкімшілік құқық бұзу болып саналады. Қазір мұнымен айнасылып жатырмыз, анықтаймыз", — деді министрдің орынбасары заңсыз митингіге қатысушылардың талаптары туралы сұраққа жауап бере отырып.
Игорь Лепеха мұндай акциялар еліміздің басқа аймақтарында да өтті деген қауесетті жоққа шығарды. Алайда оның айтуынша, Астанадағы митингке Астана тұрғындары ғана емес, басқа облыстардан келген азаматтар да қатысқан.
