Инстаграм қолданушылары жаңа функцияның көмегімен тікелей эфирге тағы басқа қолданушыларды тарта алады, деп хабарлайды Baq.kz ақпарат агенттігі life.ru-ға сілтеме жасап.
Ол үшін оң жағындағы төменде орналасқан қажетті түймені басса болғаны. Трансляция авторы бір қонақты өшіріп, екіншісін қоса алады. Сонымен қатар шақырылған қонақ өз еркімен тікелей эфирден шығып кете алады. Трансляция кезінде эфир екіге бөлінеді. Басқа тікелей эфир кезіндегідей оқырмандар мен көрермендер лүпіл басып, пікір қалдыра алады. Автор үшін видеожазба тікелей эфир аяқталғаннан кейін қолжетімді болады. Жаңа функция әзірге тестілеу стадиясында. Бірнеше айдан кейін толық іске қосылмақ.