Бұл туралы Caravan.kz медиа порталы tengrisport.kz-ке сілтеме жасап хабарлайды.
2026 жылғы әлем чемпионатының финалы Нью-Йоркте Дональд Трамп, Джанни Инфантино және басқа да танымал тұлғалардың қатысуымен өтті.
Салтанатты ашылу рәсімінен кейін (тіпті Том Круз да бой көрсетті), алаңға ФИФА рейтингі бойынша қазіргі уақыттағы әлемнің ең үздік екі командасы шықты.
Екі команданың да құрамын 90 пайызға алдын ала болжауға болатын еді. Басты назар «Барселонаның» өткені мен бүгінгі жұлдыздары: аргентиналық Лионель Месси мен испаниялық Ламин Ямальға ауды.
Испания — Аргентина: командалар құрамы
Испания: Унаи Симон («Атлетик Бильбао»), Педро Порро («Тоттенхэм»), Пау Кубарси («Барселона»), Эмерик Лапорт («Атлетик Бильбао»), Марк Кукурелья («Реал Мадрид»), Родри («Манчестер Сити»), Фабиан Руис (ПСЖ), Дани Ольмо, Ламин Ямаль (екеуі де – «Барселона»), Алекс Баэна («Атлетико Мадрид»), Микель Оярсабаль («Реал Сосьедад»).
Аргентина: Эмилиано Мартинес («Астон Вилла»), Гонсало Монтьель («Ривер Плейт»), Кристиан Ромеро («Тоттенхэм»), Лисандро Мартинес («Манчестер Юнайтед»), Николас Тальяфико («Лион»), Энцо Фернандес («Челси»), Алексис Макаллистер («Ливерпуль»), Николас Гонсалес («Ювентус»), Родриго де Пауль, Лионель Месси (екеуі де – «Интер Майами»), Хулиан Альварес («Атлетико Мадрид»).
Испания — Аргентина: матч барысы
Қазіргі әлем чемпиондары кездесуді сақтықпен бастады – допқа испандықтар иелік етіп, бірден қарсылас қақпасына қауіп төндіре бастады.
Дегенмен аргентиналықтар Де ла Фуэнте шәкірттерінің жоғары қорғаныс шебін пайдаланып, қарымта шабуылдарға шығып отырды. Солардың бірінде Симонның дер кезінде алға шығуы команданы голдан сақтап қалды.
Ойын өте тартысты өткеніне қарамастан, төреші тек 41-минутта ғана алғашқы сары қағазын көрсетті – Лисандро Мартинес испандықтардың шабуылын бұзды. Көп ұзамай аргентиналықтардың бапкері Мартинесті жарақатына байланысты алаңнан алып, орнына 38 жастағы Николас Отамендиді шығарды.
Екінші тайм
Кездесудің екінші бөлімі Леандро Паредестің алаңға шығуымен басталды – ол Нико Гонсалесті алмастырды. Ал 52-минутта Паредес ескерту алды.
Испандықтардың шабуылы минут санап қауіпті бола түсті. Тайм ортасында Ольмо мен Ямальдың соққыларын Мартинес үлкен қиындықпен қайтарды.
67-минутта Ферран Торрес Ямальдың пасынан кейін баспен қауіпті соққы жасады, бірақ қақпашы тағы да қырағылық танытты.
Жалпы, екінші таймның басты кейіпкері – Мартинес. 86-минутқа қарай қақпашы сегіз сэйв жасап үлгерді.
Таймның тағы бір шешуші сәті – 93-минутта Кубарсиге қарсы дөрекі ойнағаны үшін Энцо Фернандестің алаңнан қуылғаны. Команда он ойыншымен қалып, 97-минутта өз қақпасына қауіпті айып соққысын алды.
Допқа Ламин Ямаль келіп, алыс бұрышқа тамаша соққы бағыттады, бірақ Эмилиано Мартинес тағы да командасын құтқарып қалды.
Ойын овертаймға ұласты.
Финал тағдыры қосымша уақытта шешілді
Матч негізгі уақыттағы қарқынмен жалғасты. 92-минутта испандықтардың есеп ашатын кезекті мүмкіндігі болды, бірақ Нико Уильямстың соққысынан кейін допты Мартинес қайтарды.
97-минутта доп аргентиналықтардың қақпасына бәрібір енді, бірақ төреші шабуыл кезіндегі фол үшін голды есепке алмады.
Алайда, 106-минутта Ферран Торрес ережеге сай бос қақпаны дәл көздеді – Нико Уильямс керемет пас шығарды.
Тек жіберіп алған голдан кейін ғана аргентиналықтар қарсылас алаңына басып кіре бастады. 115-минутта Месси алыс бағанаға пас асырмақ болғанда, доп қиыс кетіп, қақпаға кірмей қалды.
Қосымша уақыттың соңында аргентиналықтар жаппай шабуылға көшкенімен, бірнеше соққы нысанадан мүлт кетті.
Матч қорытындысы – 1:0, Испания құрамасының пайдасына.
Испания құрамасы өз тарихында екінші рет футболдан әлем чемпионы атанды. Алғаш рет бұл команда 2010 жылы чемпион болған еді, бірақ ол құрамнан бұл турнирге ешкім қатысқан жоқ.
Месси үшін бұл Әлем чемпионатындағы қатарынан екінші, ал мансабындағы үшінші финал болды. 2014 жылы Аргентина құрамасы финалда Германияға жол берсе, 2022 жылы француздарды жеңген болатын.