Жарияланды: 20

Испанияда коронавирустан бір түнде 700-ден аса адам қайтыс болды

Испанияда коронавирустан бір түнде 700-ден аса адам қайтыс болды Сурет - REUTERS

Испанияда өткен түні коронавирус жұқтырған 738 адам қайтыс болды. Елде барлығы 3434 адам көз жұмды.

Бұл туралы Caravan.kz медиа порталы Tengrinews.kz-ке сілтеме жасап хабарлайды.

Испания парламенті үкіметтің жоғары дайындық режимін тағы 15 күнге - 11 сәуірге дейін ұзарту туралы ұсынысын қолдады. Ел билігі 14 наурызда 15 күнге төтенше жағдай жариялаған. 

Коронавирус індетін қайтыс болғандардың саны бойынша еуропа құрлығында Испания Италиядан кейін екінші орында тұр. 25 наурыздағы ресми мәлімет бойынша, Испанияда 48 мыңға жуық адам COVID-19 жұқтырған. 

Сонымен қатар, Италияда 25 наурызда тағы 683 адам қайтыс болған. Елде коронавирус індетінен көз жұмғандардың жалпы саны - 7503. Одан бөлек, тағы 5210 адам коронавирус жұқтырған. 

Пікір қалдырыңыз

Пікір қалдыру тіркелген пайдаланушылар ғана мүмкін