Николай Долматов, А. Шалабаеваның адвокаты:
-Кепілге қойылған үй Алманың анасына тиесілі. Оның үстіне Италияда қараусыз балаларының қалуы да оны алаңдатты. Кейін, қажеті туғанда, тергеу ісіне байланысты Шалабаева елге оралатын болады.
Шалабаеваның өзі жаңа төлқұжат жасатып виза да алған екен. Адвокатының айтуынша, Римде оны үлкен балалары қарсы алмақ. Айта кетсек, қашқын банкирдің жұбайы маусым айында кіші қызымен сол Италия астанасында ұсталып, елге депортацияланған болатын. Апенин түбегіне ол Алма Аян есімді Орталық Африка Республикасының азаматшасы ретінде келіпті. Бастапқыда келісім бергенімен, кейін Италия үкіметінде бұл үлкен шуға ұласты. Сөйтіп, Әблязовтар отбасын кері қайтаруды талап етіп келген-ді.