Желіде каратэ финалында жекпе-жекке шығып, бір-біріне жеңіс сыйлаған апалы-сіңлілі, кішкентай қос қыздың видеосы тарады, деп хабарлайды Caravan.kz.
Оқырмандардың сөзінше финалда бір-бірін көрген қыздар жекпе-жекке шығудан бас тартқан. Қыздардың үлкені кішісіне жол беріп, оның жеңіске жеткенін айтқан.
Қыздардың анасы да осы көріністі көріп, көзіне жас алған.
Ал желі қолданушылары кішкентай бүлдіршіндердің бұл шешімін құп көрген.
«Қандай тамаша көрініс, аман болыңдар балақайлар», «Ақылдарынан осының бәрін біліп тұрған», «Жарайсыңдар алтындарым, бақтарың ашылсын» деп жазды олар.