Каспийде 3 жасөспірім мен 28 жастағы ер адам суға батып кетті

Бұл туралы Stan.kz хабарлайды.

Маңғыстау облысы төтенше жағдайлар министрлігінің ақпараты бойынша, 5 тамызда сағат 18.15-те Құрықта 2002 жылы туылған екі қыз бен 2003 жылғы жігіт суға батып кетті.

Қазір олардың денелерін іздеуге 10 құтқарушы мен екі қайық жұмылдырылған.

Сонымен қатар, Кендірлідегі «Самал» демалыс орталығында тағы бір қайғылы оқиға болды. Онда 1991 жылы туған суға батып кеткен жігіттің денесін туыстары судан шығарып алды.

Ішкі істер министрлігі төтенше жағдайлар комитетінің хабарлауынша, шомылу маусымы басталғаннан бері 236 адам суға батып кетті, олардың 81-і балалар. Мамандардың айтуынша, суда өлімнің негізгі себептері — суда жүзуге арналмаған жерлерде шомылу, балаларды ересектердің қараусыз қалуы және мас күйінде шомылу.