"Кешегі жиынды қоғамда дұрыс түсінбей жатқандар бар”: Премьер министр өзін сынағандарға жауап берді - kaz.caravan.kz
  • $ 452.92
  • 484.99
+30 °C
Алматы
2024 Жыл
18 Маусым
  • A
  • A
  • A
  • A
  • A
  • A
"Кешегі жиынды қоғамда дұрыс түсінбей жатқандар бар”: Премьер министр өзін сынағандарға жауап берді

"Кешегі жиынды қоғамда дұрыс түсінбей жатқандар бар”: Премьер министр өзін сынағандарға жауап берді

"Ресейліктерге жәрдем көрсету керек" деген премьер министр Әлихан Смайылов өзін сынағандарға жауап берді.

  • 27 Қыркүйек 2022
  • 49
Фото - Caravan.kz

Бұл туралы ол Facebook желісіндегі парақшасында жазды, — деп хабарлайды Caravan.kz медиа порталы.

"Кеше Үкіметтің көші-қон мәселелеріне қатысты өткізген жиналыстағы мәліметтерге байланысты қоғамда дұрыс түсінбей жатқандар бар.

Осыған орай айтайын дегенім шетел азаматтарына қызмет заң аясында ғана көрсетіледі.

Біз халықаралық міндеттерімізді орындай отырып, өз еліміз бен халқымыздың мүддесінен жоғары құндылық жоқ екенін ұмытпауымыз қажет.

Ең маңызды мәселенің бірі – құқықтық тәртіп пен қауіпсіздік. Сонымен бірге арендалық тұрғын үй бағаларының өсуінен өз азаматтарымыз қиын жағдайға тап болып отыр.

Жауапты органдар тұрғын үй нарығындағы ахуалды тұрақтандыру бойынша тиісті шараларды қабылдау қажет. Оны біз кеше айттық.


Еңбекпен қамту бойынша ең алдымен қазақстандықтардың жай-күйі, жұмыс жағдайы біз үшін приоритет.

Барлық кәсіпорындар мен мекемелер осыны естен шығармау керек.

Ал, көршілес елден келген мигранттар белгіленген заңнама шеңберінде ғана еңбек ете алады.

Жағдай күнделікті бақылауда", — деп жазды премьер министр Әлихан Смайылов.

Еске салсақ, кеше Үкімет басшысы Ресейден келіп жатқандар мен көші-қон мәселесін талқылап, ресейліктерді жұмыспен  қамту туралы тапсырма берген болатын. Бұл жағдай көпшіліктің ашу-ызасын туғызды 

 

Соңғы жаңалықтар