Жарияланды: 320

Латвиялық кинематографистер қажетті материалдарды «Қазақфильмнен» тапты

Латвиялық кинематографистер қажетті материалдарды «Қазақфильмнен» тапты

Латвиядан Ш.Айманов атындағы «Қазақфильм» киностудиясына режиссер-документалист Дзинтра Гека бастаған бір топ кинематографистер келді. Келудегі мақсаттары: аты аңызға айналған оператор Эдуард Казимирович Тиссэге қатысы бар материалдарды жинау, деп хабарлайды Baq.kz ақпарат агенттігі.

– Эдуард Тиссэ режиссер Эйзенштейнмен бірге жұмыс істеген ұлы оператор. Эйзенштейнге арналған кітаптар да, фильмдер де жетерлік. Ал Тиссэ туралы аз. Тіпті ол туралы мағлұмат та аз. Мен бұл фильмді түсіруді осыдан жиырма жыл бұрын қолға алғам. Алайда белгілі бір себептерге байналысты фильмді тоқтатуыма тура келді. Бірде түсіме Тиссэ енді. Мотоциклде отыр. Маған қарап, «Қане, кеттік» дейді. Сол түс маған берілген белгі ретінде қабылдадым. Содан кейін фильмді аяқтауым керек деп шештім. Міне, «Тиссэні іздеп» осында келдік. Эйзенштейн екеуі қырқыншы жылдары Алматыда құрылған Бірлескен орталық киностудияда жұмыс істеген , - деді Дзинтра Гека.

«Қазақфильмнің» Эксперттік кеңес теңтөрағасы Бекболат Шекеров және «Деректі фильмдер» ШӨБ жетекшісі Әсет Ерназаров латвиялық әріптестеріне киностудияны аралатып, Эдуард Тиссэнің есімі қашалған ескерткіш тақтаны және «ЦОКС Алматыда» атты деректі фильмді көрсетті. Әріптестер «Ленфильм» мен «Мосфильм» және сол дәуірдің үздік киногерлерінің ҚазКСР астанасына көшірілген кезеңі туралы пікір алмасты.

Пікір қалдырыңыз

Пікір қалдыру тіркелген пайдаланушылар ғана мүмкін