Жарияланды: 460

Мәжілістің кезекті жалпы отырысында депутаттар "Бұқаралық ақпарат құралдары туралы" заң жобасын талқылайды

17-қыркүйек, сәрсенбіде өтетін мәжілістің кезекті жалпы отырысында депутаттар "Бұқаралық ақпарат құралдары туралы" заң жобасының үкіметтік нұсқасын талқылайды,- делінген парламент палатасының баспасөз қызметінен таратқан хабарламада.

Сондай-ақ, жалпы отырыстың күн тәртібінде елімізде фармацевтикалық бақылауды күшейту жолдарын қарастыратын депутаттық түзетулер мен Республикалық Гвардия туралы заңға үкімет тарапынан ұсынылып отырған өзгертулер мен толықтырулар қаралады. Сонымен бірге онда Қазақстан-Өзбекстан мемлекеттік шекарасындағы өткелектер туралы Келісімді бекіту туралы заң жобасы талқыланып, бұл құжат туралы ҚР Ұлттық қауіпсіздік комитеті төрағасының орынбасары - Шекара қызметінің директоры Болат Зәкиев баяндама жасайды .

Пікір қалдырыңыз

Пікір қалдыру тіркелген пайдаланушылар ғана мүмкін