Мемлекет басшысы үкіметтегі лауазымдарға ұсынылатын үміткерлердің кандидатурасын парламентпен келісуді ұсынады

"Тек үкімет басшысының ғана емес, сондай-ақ, министрлердің кандидатурасын да талқылау тәжірибесін қолданысқа енгізу арқылы үкіметті қалыптастыруға парламент тарапынан ықпал жасауға мүмкіндік беру қажет деп санаймын". Бүгін, 15-маусымда "Отан" республикалық саяси партиясының кезектен тыс жетінші сьезінде сөйлеген сөзінде Елбасы Нұрсұлтан Назарбаев осылай деп мәлімдеді.

Елбасының айтуынша, «министрлердің кандидатурасын парламенттің профильді комитеттерінің отырыстарында келісуге болады». «Бұл парламент пен үкімет арасындағы өзара түсіністік пен сенім деңгейін арттыруға мүмкіндік береді». Сонымен бірге, Н.Назарбаевтың айтуынша, » соның нәтижесінде елдегі ахуалға қатысты жауапкершіліктің бір бөлігін депутаттық корпус та бөлісе арқалайтын болады».