Бүгін президент Нұрсұлтан Назарбаев Монако князі Альбер II кездесті, деп хабарлайды мемлекет басшысының баспасөз қызметі.
«Тараптар қалпына келтірілетін қуат көздері, туризм, электроника салаларындағы екіжақты байланыстарды дамытуға мүмкіндік мол екенін атап өтті», — делінген хабарламада.
Н.Назарбаев пен Альбер II халықаралық күн тәртібіндегі маңызды мәселелерді де ортаға салды.
Сонымен қатар Монако князі Тұңғыш президент кітапханасын аралап көрді.