Ал, Шалабаеваның аяқ асты құқық қорғау орындарының қатаң бақылауымен Қазақстанға жеткізілуі Италияда үлкен шуға себеп болды. Жалған құжат жасатты деп айыпталған азаматшаны отанына әкетуге басты себеп күйеуі Мұхтар Әблязовтың заңсыз әрекеттері деген болжам да айтылды. Шудың өршігені соншалық, Италияның белді шенеуніктері Қазақстандық әріптестеріне хабар жолдап, Алма Шалабаеваның жазасын жеңілдетуді сұраған. Ақыр аяғында ол анасының үйін кепілге қойып қайтадан Римге аттанды. Барысымен Италияның ішкі істер министрлігі қарсы арыз жазған. Енді, міне, Италия Жоғарғы соты Шалабаеваның депортациясын заңсыз деп тапты. Қашқын банкирдің жұбайы осы шешімнің негізінде Италияның құқық қорғау орындарынан моральдық шығын талап етпек.