Назарбаев алдағы реформалар 90-жылдардан кем түспейтінін айтты - kaz.caravan.kz
  • $ 450.79
  • 482.21
+20 °C
Алматы
2024 Жыл
16 Маусым
  • A
  • A
  • A
  • A
  • A
  • A
Назарбаев алдағы реформалар 90-жылдардан кем түспейтінін айтты

Назарбаев алдағы реформалар 90-жылдардан кем түспейтінін айтты

Мемлекет басшысы «Нұр Отан» партиясы төрағасының бірінші орынбасары Асқар Мырзахметовті қабылдады деп хабарлайды Ақорданың баспасөз қызметі.

  • 16 Қараша 2015
  • 485
Фото - Caravan.kz

Мырзахметов кездесу барысында президентке Саяси кеңестің соңғы Бюро отырысында айтылған тапсырмалардың орындалу барысы, сондай-ақ партияның негізгі бағдарламалары туралы баяндады.

Нұрсұлтан Назарбаев күн тәртібіндегі мәселелердің көптігіне байланысты келесі жылы «Нұр Отан» партиясының алдында ауқымды жұмыстар тұрғанын атап өтті.

“Мен бастамашылық еткен бес институционалдық реформаны жүзеге асыру аясында сексенге жуық заң қабылданады. Келесі жылдың басынан «100 нақты қадам» Ұлт жоспарын жүзеге асыруға кірісеміз. Осыған байланысты партияның алдында өте үлкен жұмыстар тұр”, – деді президент.

Мемлекет басшысы сондай-ақ әлемде қалыптасқан геосаяси жағдайды ескере отырып, алдағы реформалардың маңыздылығын айтты.


“Әлемдегі ахуал қазір күрделі, біздің өңірде де тыныш емес. Осының бәрі бізге ықпал етпей қоймайды. Болып жатқан оқиғаларды назарға ала отырып, халыққа түсіндіру жұмыстарын жүргізу керек. Осындай қиын кезеңде бізге күрделі реформаларды жүзеге асыруға тура келеді. Мұның бәрі халықтың игілігі үшін жасалуда. Қазіргі жағдайдың қиын екеніне қарамастан, реформаларды жүзеге асыру болашақтағы игіліктің негізін қалау үшін қажет. Алдағы реформалар күрделілігі жағынан біздің 90-жылдардың басында жүргізген реформаларымыздан кем түспейді. Осыған байланысты «Нұр Отан» партиясына барша түсіндіру жұмыстарын өз мойнына алуды тапсырамын”, – деді Нұрсұлтан Назарбаев.

Кездесу қорытындысы бойынша президент бірқатар нақты тапсырмалар берді.

Соңғы жаңалықтар