Бұл туралы ҚР СІМ басшысы Қайрат Әбдірахманов мәлімдеді, — деп хабарлайды РИА Новости.
"Қазақстан президенті Нұрсұлтан Назарбаевтың кепіл мемлекеттермен, нақтырақ айтқанда РФ және Түркия басшыларымен қазір ғана аяқталған Бейжіңдегі кездесуі тараптардың бұл меморандумды іске асырудың түрлі аспектілерін қарастырып жатқанын көрсетті", — деді Әдбірахманов журналистерге.
"Білуімше, бұл жұмысқа алдымен әскерилер тартылған. Өйткені әңгіме нақты аумақтарға байланысты. Жұмыстар жүргізіліп жатыр, дегенмен, кепіл мемлекеттер және мүдделі тараптарға әлі үлкен шаруа бітіру керектігі түсінікті", — деп қосты ол.
Әбдірахмановтың айтуынша, бұл меморандумды іске асырудың әрбір бөлшегі маңызды.
"Мысалы, қақтығыс тоқтатылатын бұл аймақтарды кім қадағалайды? Бақылау-өткізу пунктерінде нақты кім қызмет ететін болады деген сұрақтар туады", — деп аяқтады министр.
