Жарияланды: 440

Назарбаевқа "Қазақ еліне мың алғыс!" монументін көрсетті

Назарбаевқа "Қазақ еліне мың алғыс!" монументін көрсетті

Қазақстан президенті Нұрсұлтан Назарбаев Оңтүстік Қазақстан облысына сапар барысында Қазақстан халқы Ассамблеясының үйіне барды, деп хабарлайды Ақорданың баспасөз қызметі. 


"Елбасы Қазақстан халқы Ассамблеясының облыстық ғимараты алдында бой көтерген "Қазақ еліне мың алғыс!" монументін көрді. Монумент өңірдің 20 этномәдени бірлестігінің бастамасымен салынған, ол түрлі ұлттардың қазақ халқына деген алғысы мен адал ниетінің нышаны болып саналады", — делінген хабарламада. Нұрсұлтан Назарбаев көпұлтты мемлекетіміздегі түрлі ұлттар мен ұлыстар өкілдерінің достығы тәуелсіз Қазақстанның басты байлығы екенін атап өтті. Қазақстан Президенті "Қоғамдық келісім" мемлекеттік мекемесі мен өңірдің этномәдени орталықтары орналасқан Қазақстан халқы Ассамблеясының ғимаратымен танысты. Мемлекет басшысының назарына этномәдени бірлестіктер өкілдерінің орындауындағы «Бірлігіміз жарасқан» деп аталатын музыкалық композиция ұсынылды. 

Пікір қалдырыңыз

Пікір қалдыру тіркелген пайдаланушылар ғана мүмкін