Бұл туралы Caravan.kz медиа-порталы Tengrinews.kz-қа сілтеме жасап хабарлайды.
Әкімдік мәліметінше, бүгінде 30-дан аса ведомстволық бағынысты ұйымдар мен басқармалар жеке тұлғалардан үй-жайды жалға алады, жыл сайын жалға алу үшін миллиард теңгеге жуық төлейді.
"Бұл сома жыл сайынғы жалдау құнына байланысты өсіп отырады. Осы ұйымдар түрлі аудандарда орналасқан және басқармалар мен әкімдіктің ведомстволық бағынысты ұйымдары орналасқан бір ғимарат бұрыннан қажет еді", — деді ведомствоның баспасөз қызметі өкілі.
"Sine Tempore" ғимаратын сатып алу жалға алу кезінде ақшаны үнемдеп қана қоймай, "бір терезе" қағидаты бойынша қызмет көрсетуге мүмкіндік береді, себебі сауда орталығы әкімдік ғимаратының маңында орналасқан.
"2020 жылы екі компания жоғары тұрған нысан бойынша 12,6 және 11,7 миллиард теңгеге жуық сомаға баға берген. 2021 жылы тағы бір тәуелсіз бағалау жүргізілді, онда құны 9,5 миллиард теңге деп көрсетілді. Ұсынылған соманың ең азына ғимаратты сатып алу қалалық мәслихаттың келісімі бойынша жүзеге асырылды", — деп түсіндірді әкімдік қызметкері.
Sine Tempore ғимараты Кенесары даңғылында орналасқан. Бұрын ғимарат ОӘД болған.
