Жарияланды: 1800

Нұр-Сұлтанда ұйымдасқан қылмыстық топ мүшелері ұсталды

Нұр-Сұлтанда ұйымдасқан қылмыстық топ мүшелері ұсталды

Олардан қарау-жарақ тәркіленген.

Нұр-Сұлтанда ұйымдасқан қылмыстық топтың жолы кесілді, - деп хабарлайды Caravan.kz медиа порталы Polisia.kz сайтына сілтеме жасап.

Елорда Полиция департаментінің Ұйымдасқан қылмысқа қарсы күрес басқармасы жедел-іздестіру іс-шараларын жүргізу барысында ұйымдасқан қылмыстық топтың 3 мүшесін ұстады. Олардың "бұзақылық" бойынша қылмыстық қудалаудан жасырынғаны және Петропавл қаласында іздеу жарияланғаны анықталды.

Күдіктілерді ұстау кезінде олар травматикалық патрондармен оқталған WALTHER, ОСА маркалы тапаншалармен, сондай-ақ суық қарумен қаруланған.

Дерекке қатысты Қылмыстық кодекстің 287-бабы "Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру" бойынша соталды тергеу амалдары жүргізіліп жатыр. Бап санкциясы екі жылдан он жылға дейінгі мерзімге бас бостандығынан айыру жазасын көздейді.

Пікір қалдырыңыз

Пікір қалдыру тіркелген пайдаланушылар ғана мүмкін