Алматы облысы қылмыстық істер жөніндегі мамандандырылған ауданаралық сотта, Қаскелең аудандық сотының ғимаратында, өзінің өгей баласын өлтіруді ұйымдастырды деген бас күдікті Шәрипа Ақбердиева соңғы сөзін айтты, деп хабарлайды Sputnik Қазақстан тілшісі сот залынан.
Сотта ол өзінің ұлы Темір Ақбердиев пен оның өгей інісі Қадыржан Ғұламовтың бұдан бұрын прокурор сұраған жаза мерзіміне тағы 5 жылдан қосуды сұрады. Сондай-ақ ол қамаудан қызы – Айдананы босатуды сұрады. Бас күдікті 25 жылға бас бостандығнан айырылуы мүмкін. Сотталушылар 5 адам: өлтірілген баланың анасы Шәрипа Ақбердиева, оның балалары — Темір мен Айдана, Темірдің өгей ағасы — Кәдіржан Гүләмов, сонымен бірге Руслан Мүтәлиев. Айта кетейік, Өркен Азаматұлы 19 қаңтар күні сабақтан шығып, үйіне оралмаған. Полицияға баланың жоғалып кеткені туралы оның әжесі арыз жазады. Кейінірек, баланың денесі табылған болатын. Өркенді өлтірді деген күдікке оның өгей шешесі ілініп отыр.
