Жарияланды: 410

Оңтүстік Қазақстан облысының кеденшілері контрабандалық шиналарды тәркіледі

Оңтүстік Қазақстан облысының кеденшілері контрабандалық шиналарды тәркіледі,

деп хабарлады ОҚО Кедендік бақылау департаменті контрабандаға қарсы күрес басқармасының бастығы Жасұлан Асылбеков. ОҚО кедендік бақылау департаменті мен «Сарыағаш» стансасының қызметкерлері жедел-іздестіру шараларын өткізу барысында бес тоңазытқыш-вагонды кедендік тексеруден өткізді. Вагон құрамы Ресей Федерациясы-Өзбекстан Республикасы бағытында бара жатқан. «Тексеру барысында тоңазтқыш вагондардан жүк көліктерінің шиналары мен ауылшаруашылық техникаларының шиналары табылды. Олардың жалпы саны 975 дана», - деді Ж.Асылбеков. Осы факт бойынша Э.Қайнаров есімді Өзбекстан Республикасының азаматына қатысты ҚР Қылмыстық кодексінің «экономикалық контрабанда» 209 бабы бойынша қылмыстық іс қозғалды.

Пікір қалдырыңыз

Пікір қалдыру тіркелген пайдаланушылар ғана мүмкін