Бұл туралы 31 телеарна хабарлады.
Боранға үсіп қалу қаупі туындап, әбден әбігерге түскен жас жұбайлар мен олардан бөлек бес көлік жүргізушілері амалсыз құтқарушылардан көмек сұраған. Шақырту түскеннен кейін, төрт сағат дегенде оқиға орнына әзер жеткен төтеншеліктердің құтқару жасағы сәл кешіккенде жас жұбайлардың өміріне қауіп төнген болар еді деп отыр.
"Осы құтқарылғандардың ішінде жаңадан келін болып түскен азаматшамыз бар екен. Алты автокөлік жолыққан. Барлығын қар құрсауынан шығарып, аман-есен жолға шығарған" дейді ОҚО Төтенше жағдайлар департаментінің баспасөз хатшысы Зарипа Тұрысбекова.