деп хабарлады Қазақстан ішкі істер министрі Қалмұханбет Қасымов.
"Төбелес болған жерде халықтың 90% өзбектер, дүкен иесі де өзбек. Төбелес таза тұрмыстық негізде болған, біз әзірге ұлттық белгілерді көріп отырған жоқпыз", деді ол.
"Төбелеске дейін үш күн бұрын көрші елдімекеннің тұрғындары Қарамұртқа барған, онда дүкенде төбелесіп қалған. Оларды ұрып тастаған, олар селоға оралып, жерлестеріне айтқан соң, біразы кек алу үшін қайта барған", деді ол.
Министрдің айтуынша, полиция екі қылмыстық іс қозғаған, 4 адам ұсталған. Зардап шеккен екі адам ауруханада, жағдайлары аса ауыр емес.
Алдында хабарланғандай, өткен сәрсенбіде Қарамұрт селосында Мадани селосынан келгендер мен жергілікті тұрғындар арасында жаппай төбелес болған. Медициналық көмекке 4 адам жүгінген. Төбелес кезінде 14 көлікке зақым келген, бірнеше дүкеннің сөресі бүлінген.
