«Қарабұлақ базарында (Сайрам ауданы) ол 32 мал басын сатпақшы болған. Барымташы әйел «УАЗ-Патриот» көлігінде өзі отырып төрт түлік мал тиелген «КамАЗ» көлігін қадағалаған. Оны ұстау барысында ол тиелген КамАЗ-ды айдап әкетіп, ізін суытпақшы болған. Алайда жасаған талпынысынан ештеңе шықпай, полиция қызметкерлерінің құрығына түсіп қалды», — деп хабарлады АІІД.
Кезекшінің ақпараты бойынша мал Арыс ауданының Ақдала ауылынан ұрланып, басқа ауданға сатуға тасымалданған.
Қолға түскен әйел көптеген алаяқтық оқиғаларға қатысты бар деген күдік те бар. Ол түрлі сылтаулармен азаматтардан ақша алып қайтармаған.
Бүгінгі кезде қолға түскен күдіктінің сыбайластарын анықтау мақсатында тергеу амалдары жүргізіліп жатыр.
Полицияның мәліметтері бойынша әйелдің алты ересек баласы бар.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті