Ұсталған шетелдіктердің барлығы Сарыағаш ауданында қолға түскен. Шетелдіктердің құжаттарын тексеру кезінде ОҚО аумағында еңбек етуге рұқсат қағазы болмағаны анықталды. Қазіргі таңда заңбұзушылықтарға қатысты ҚР ӘҚБтК-нің 517 бабымен әкімшілік іс қозғалды. Сонымен қатар, шетел азаматтарын заңсыз еңбекке пайдаланғаны үшін тәртіп сақшылары 1988 ж.т. ҚР азаматын ҚР ӘҚБтК-нің 519 бабымен әкімшілік жауапкершілікке тартты.
ОҚО ІІД Көші-қон полиция қызметкерлері өзге де қызмет өкілдерімен бірлесе «Заңсыз келуші» жедел іс-шарасының 3 күнінде көші-қон заңын бұзған 1000-нан аса азаматты анықтады, оның ішінде 951 шетел азаматы. 469 заңбұзушыға ескерту жасалып, 128 азаматқа әкімшілік айыппұл салынды және 251 шетелдік әкімшілік қамауға алынды.
ОҚО ІІД қабылдап-бөлу мекемесіне өзімен бірге жеке басын анықтайтын құжаты жоқ 101 заңбұзушы жеткізілді. Сот шешімімен 197 шетел азаматы ҚР аумағынан шығарылды.
Көші-қон заңнамасын бұзған және шетел азаматын еңбекке заңсыз пайдаланғаны үшін ҚР-ның 94 азаматы әкімшілік жауапкершілікке тартылды. Сондай-ақ, ҚР аумағынан шығару туралы сот шешімін орындамаған 2 шетел азаматына қатысты қылмыстық іс қозғалды.
