Жарияланды: 420

ОҚО-да ҚР-ға Т606 мың соманың қолөнер бұйымдарын алып өтпек болған Өзбекстан азаматтары ұсталды

Оңтүстік Қазақстан және Қызылорда облыстары бойынша КБД «Қазығұрт» кеден бекетінің қызметкерлері ҚР шекара қызметімен бірлесіп, «Қазығұрт» кеден бекетінің қызметі аймағында Қазақстан Республикасының аумағына декларацияланбаған қолөнер бұйымдарын алып өтпек болған Өзбекстан Республикасының азаматтарын ұстады.

Тексеру барысында бұйымдарға сәйкес құжаттардың жоқтығы анықталды. «Жұмабоев (Өзбекстан азаматы - ҚазТАГ) ішіне қарапайым темір самаурындар мен шәйнектер салынғанын айтып, Қазақстанға екі қорап алып өтуді сұраған», - деп жазыпты ұсталғандар түсіндірме хаттарында. Оның мәтінін – Оңтүстік Қазақстан және Қызылорда облыстары бойынша КБД баспасөз қызметі келтіріп отыр. Ұсталғандардың айтуынша, олар аталған тауарлардың саны мен құндылығы туралы білмеген. Бұйымдардың иесі кедендік бақылау кезінде қашып кеткен. Ол біраздан кейін ұсталды, тауардың бәрін Самарқандтан сатып алғанын айтқан. Облыстық мәдениет басқармасының жұмыс тобының сарапшылық қорытындысына сәйкес, қолөнер бұйымдарының жалпы сомасы Т606 мың шамасында. Ақпаратқа сәйкес, қылмыстың құрамы жоқтығына байланысты Жұмабоевқақатысты қозғалған қылмыстық іс тоқтатылды. Ол әкімшілік жазаға тартылады.

Пікір қалдырыңыз

Пікір қалдыру тіркелген пайдаланушылар ғана мүмкін