Өскеменде 6,3 мыңнан астам шаруашылық субьектілері тіркелген, олардың 5650-і жеке меншік шағын кәсіпорындар

2003-жылдың қаңтар-тамыз айларында шағын кәсіпкерлік субьектілері (жеке кәсіпкерлерді қоса есептегенде) қолданыстағы бағамен 1 млрд. 73 млн. теңгенің өнеркәсіп өнімдерін өндірді (2002-жылдың тиісті мерзімінде 1 млрд. 80 млн. теңге). Құрылыс саласындағы мердігерлік жұмыстар көлемі 5 млрд. 483 млн. теңге, соның ішінде шағын бизнес субьектілері 1 млрд. 443 млн. теңгенің жұмысын атқарды. Үстіміздегі жылдың 8 айында шағын кәсіпорындар 1,3 млн. тонна жүк (2002-жылы - 1,6 млн. тонна) және 1,5 млн. жолаушы тасымалдады. Өскемендегі шағын және орта бизнес саласында 2,3 мың жаңа жұмыс орны құрылды. Қалалық тендерлік комиссияның ақпаратына жүгінсек, тауар және қызметпен қамтамасыз ету жөніндегі 47 байқауда шағын бизнес субьектілерінің үлес салмағы 62,2%-ті, ал жеңімпаздар арасында 56%-ті құрайды.