Жарияланды: 30

Павлодар қаласында 11-қабаттан құлаған әйел тіл тартпай кетті

Павлодар қаласында 11-қабаттан құлаған әйел тіл тартпай кетті

Оқиға орнына жеткен медицина қызметкерлері әйелдің сол жерде жан тапсырғанын айтты.

Павлодар қаласында әйел адам 11-қабаттан құлады, деп хабарлайды pavlodarnews.kz тілшісі.

Қайғылы жағдайдың орын алғаны туралы ақпаратты облыстық ІІД-нің баспасөз қызметі растады. - 2018 жылдың 24-шілдесінде шамамен сағат кешкі бестің кезінде Тәуелсіздік көшесінде 11-ші қабаттан құлаған әйел адамның денесі табылды, - деді ІІД баспасөз қызметінде. – Оқиға бойынша 105 баппен сотқа дейінгі тергеу амалдары жүргізілуде. Медициналық сараптама тағайындалды. Облыстық денсаулық сақтау басқармасы баспасөз хатшысының мәліметінше, мерт болған әйелдің жасы шамамен 50-де. - Оқиға орнына жеткен медицина қызметкерлері әйелдің сол жерде жан тапсырғанын айтты. Ол өмірмен сәйкес келмейтін ауыр жарақаттар алған, - деді баспасөз хатшысы Эльмира Темірғалиева. Еске сала кетейік, 11 маусым күні дәл осы үйдің 14-ші қабатынан 31 жастағы ер адам секіріп, көз жұмған.

 

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть