«Полицияға шағымдана келген жәбірленушілер күдіктінің алдау арқылы оларды түрлі банктерден несие алып, ақшаны оған беруге мәжбүрлегенін жеткізген. Бірақ ол несиені өзі қайтаруға уәде берген», — деді ІІД баспасөз қызметінің бастығы, полиция майоры Жанар Біләлова.
Департаменттің хабарлауынша, «осы жылдың басында жәбірленушілерге банктерден хабарландырулар келе бастаған, соған сәйкес күдіктінің несиені қайтаруға ешбір әрекет жасамағаны белгілі болған». Алдын-ала мәліметке сәйкес, алаяқтың әрекеттерінен 20 адам зардап шеккен. Алынған несиенің көлемі 1 млн 300 мың теңгеге жеткен.
Жуырда жүзеге асырылған жедел іздестіру шараларының барысында күдікті қолға түсті. Оның үстінен ҚР Қылмыстық кодексінің 177-бабының 2, 3-тармақтары бойынша (аса ірі көлемдегі алаяқтық) қылмыстық іс қозғалды.
Тергеушілер алаяқтан зардап шеккен адамдардың тізімі ұлғая түсуі мүмкін екенін жоққа шығармайды. Олар кешікпей алаяқ әйелдің суретін жергілікті БАҚ-тарда жария етпекші.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті