Жарияланды: 40

Павлодарда екі жасар қыз даладағы әжетханаға құлап кетті

Павлодарда екі жасар қыз даладағы әжетханаға құлап кетті

Бала дәретхананың шұңқырында қанша уақыт болғаны белгісіз

Павлодарда көшедегі дәретханаға екі жасар қыз құлап кетті.

Оқыс оқиға сәрсенбі, 3 шілде күні болды, деп хабарлады pavlodarnews.kz.

Сағат 13:25-те құтқарушыларға Павлодарда ауладағы дәретханаға екі жасар қыз құлап кеткендігі туралы хабарлама келіп түскен.

"Оқиға орнына бір техника мен төрт құтқарушы шықты", - деп хабарлады облыстық ТЖД.

Құтқарушылар дәретхананың еденін ашып, альпинистік құрал-жабдықтардың көмегімен төмен түсіп, баланы алып, медицина қызметкерлеріне тапсырды.

"Жедел жәрдем бригадасы оқиға орнына шақыру түскеннен кейін сегіз минуттан соң келіп жетті", - деп хабарлады денсаулық сақтау басқармасы.

2017 жылы туған бала облыстық балалар ауруханасына жатқызылды. Ол дәретхананың шұңқырында қанша уақыт болғаны белгісіз.



 

Пікір қалдырыңыз

Пікір қалдыру тіркелген пайдаланушылар ғана мүмкін