Павлодарда жолаушылар отырған автобус өртеніп кетті

Жалын шаһардың орталық көшелерімен қатынайтын автобустың салонынан шығыпты. Көлік ішіндегі жолаушылардың шошып қалғаны болмаса, олар дін аман. Түтінге тола бастаған маршрут ішінен өздері шығып үлгерді. Оқиға орнына жеткен құтқарушылар өртті жедел өшіргенімен, автобустың тек қаңқасы ғана қалды. Қазір жалынның шығу себептері анықталуда.