Спикерлер ретінде «Ұлттық ақпарат технологиялары» АҚ Павлодар облыстық ақпараттық технологиялар орталығының АЖС басқармасының бас мамандары Тимур Оспанов және Әділ Әбілқасымов болды. Семинар қатысушыларының назарына «ақылды» экономика санатындағы тапсырмаларды орындау мүмкіндігін беретін блокчейн технологиясы, сонымен қатар барлық деңгейдегі мемлекеттік қызметкерлердің жұмысын жеңілдетіп, ашықтығын көрсететін мемлекеттік басқару жүйесі мен қызметтерін цифрландыру туралы ақпарат ұсынылды. Семинардың соңында команда «көшбасшылары» алған білімдерін шыңдау мақсатында шағын жобалар жасап, басқа қатысушылар алдында қорғады.
«Цифрландыру үдерісі мені болашақ мамандығымдай қызықтырады. Аталмыш шараға қатысқаныма қуаныштымын. Ең көп әсерді шексіз кезектен құтылуға мүмкіндік беретін интернет қосымшалармен танысқан кезде алдым. Сонымен қатар, осындай шаралар көп таныс табуға септігін тигізеді. Себебі байланыс орната білу сәттіліктің кепілі болып табылатыны сөзсіз», — деп ойымен семинар қатысушысы, Инновациялық Еуразиялық университетінің 1-нші курс студенті Алтынай Сәрсенбаева бөлісті.
Аталмыш семинар өтіп жатқан Павлодар үшінші өңір болып табылады. Осындай семинарлар тағы Шымкент, Қызылорда, Орал және Ақтау қалаларында өту жоспары бар.
Шараны «Samruk-Kazyna Trust» әлеуметтік жобаларды дамыту қоры серіктестігінің қолдауымен Коммуникативтік бастамалар мен стратегиялар қоры ұйымдастырды.
Анықтама үшін:
«QDigitalInform»—қазақ тілді бұқаралық ақпарат құралдарын ілгерілету және «Цифрлік Қазақстан» бағдарламасын дәріптеу бойынша ерекше жоба.Жобаның жүзеге асыру мерзімі: 2018 жылдың қыркүйегінен желтоқсанына дейін. Жобаға еліміздің 7 өңірінен 2000-нан астам жас (IT мамандықтарының студенттері мен ұстаздары, мемлекеттік органдар мен мемлекеттік емес ұйымдардың өкілдері) қатысады.