С.Торайғыров атындағы Павлодар мемлекеттік университетінің ұжымымен кездескен «Нұр Отан» партиясы төрағасының бірінші орынбасары Мұхтар Құл-Мұхаммедтің қойған сұрағына дұрыс жауап берген студент 100 мың теңге алды, деп хабарлайды pavlodarnews.kz тілшісі.
«Нұр Отан» партиясы төрағасының бірінші орынбасары Мұхтар Құл-Мұхаммед Елбасы Жолдауын түсіндіру мақсатында Павлодар облысына келген сапарында С.Торайғыров атындағы Павлодар мемлекеттік университеті ұжымымен де кездесті.
Шара барысында Мұхтар Абрарұлы Мемлекет басшысының Жолдауын талқылудан кейін, студенттер арасында сұрақ-жауап сайысын ұйымдастырып, дұрыс жауап берген студенттерге 100 мың теңге ұсынылатынын атап өтті.
«Адамзат тарихындағы алғашқы жолдау қашан жарияланды?», «Қазақстан Президентінің бірінші жолдауы қашан болды?» және «АҚШ-тың төртінші президенті кезінде сол елдің Конституциясында қандай өзгерістер орын алды?» секілді 5 сұрақтың біріне құқықтану кафедрасының студенті дұрыс жауап берген.Тегтер