"Президентіміздің заңына бағынбайтын бұл не деген арсыз компания": Жеңіс Ысқақова жосықсыз құрылысқа қарсы шықты

Бұл туралы ол Instagram желісіндегі парақшасында айтты, — деп хабарлайды Caravan.kz медиа порталы.

"Өткенде осы видеоны парақшама салған едім. Бүгін тағы салуыма тура келіп тұр. Өйткені, өткенде ғана президентіміз Қасым-Жомарт Кемелұлы жекеменшік үйлердің қасындағы құрылыстарды тоқтатуды естігеніміз жүрегіміз жаралып, қуанып еді. Бірақ, сол бұйрық мына компанияға қатысы жоқ па деп ойлап тұрмын. Әлде бұл компанияның бастығы шетелде жүр ме екен? Бір Құдай білсін. Бұл не деген арсыз компания?! Президентіміздің заңына бағынбайтын. Мына үйім мен кранның екеуінің ортасы 9 метр. Тарсыл-гүрсіл бізде 24 сағат. Мынаны тез-тез бітіріп, өткізу керек болып тұр. Тез-тез бітірсек, бұздырмайды деген өздерінің ойлары бар сияқты", — деді Жеңіс Ысқақова.